فرمان الہی
نماز کے اوقات
تھائی لینڈ میں ہونے والے مس یونیورس 2025 مقابلے میں فلسطین پہلی بار شریک ہوگا۔
27 سالہ نادین ایوب ایک سرٹیفائیڈ ہیلتھ اینڈ نیوٹریشن کوچ ہیں جنہیں 2022 میں مس فلسطین کا تاج پہنایا گیا اور وہ نومبر 2025 میں مس یونیورس مقابلے میں اولین فلسطینی نمائندہ ہوں گی، نادین ایوب ادب اور نفسیات کی ڈگری ہولڈر ہیں۔
نادین ایوب نے کہا کہ مظلوم فلسطینیوں کی نمائندہ ہوں جنہیں قتل عام کا نشانہ بنایا جا رہا ہے، غزہ میں فلسطینیوں سے ہونے والی ناانصافی کی آواز بننا ہے۔
فلسطینی ماڈل نے کہا کہ فلسطین دنیا کے ہر فورم پر نمودار ہوگا، فلسطینوں کے لیے اب خاموش نہیں رہا جا سکتا۔
خیال رہے کہ تھائی لینڈ میں 21 نومبر کو مس یونیورس کا عالمی مقابلہ ہوگا، جس میں 130 ممالک کی حسینائیں مس یونیورس کے تاج کے لیے میدان میں ہوں گی۔
متحدہ عرب امارات کی مریم بھی مس یونیورس 2025 میں حصہ لیں گی، عراق، لبنان اور ایران بھی عالمی مقابلے میں شریک ہوں گے، رواں برس 74واں مس یونیورس مقابلہ منعقد ہوگا۔
