فرمان الہی
نماز کے اوقات
سندھ کے سینئر وزیر شرجیل انعام میمن نے وفاقی حکومت سے مطالبہ کرتے ہوئے کہا ہے کہ اربوں روپے کی گندم امپورٹ کرنی پڑ رہی ہے، گندم کا ریٹ 4 ہزار 200 روپے فی من مقرر کیا جائے۔
کراچی میں پریس کانفرنس کے دوران شرجیل انعام میمن نے کہا کہ ہر کاروباری شخص کی مرضی ہے کہ وہ کیا کاروبار کرے، آپ اپنے کسان کو سپورٹ نہیں کریں گے تو وہ کیوں گندم اگائے گا؟ کسی اور کو فائدہ دینے سے بہتر ہے کہ اپنے کسان کو فائدہ دیں۔
انہوں نے کہا کہ جو افغان مہاجرین غیرقانونی طور پر رہ رہے ہیں، انہیں واپس جانا ہوگا۔
شرجیل میمن کا کہنا تھا کہ سندھ کی خواتین کہیں بھی پڑھتی ہوں یا کام کرتی ہوں وہ اسکوٹی لے سکتی ہیں، ہم مفت پِنک اسکوٹر خواتین کو دے رہے ہیں، جَلد خواتین کے لیے پنک ای وی ٹیکسی بھی شروع کر رہے ہیں، اس میں خواتین ڈرائیور اور خواتین ہی مسافر ہوں گی۔
