فرمان الہی
نماز کے اوقات
پاکستانی اداکارہ، اینکر اور سماجی کارکن مشّی خان نے کراچی میں ہونے والی ہیلووین پارٹیوں سے متعلق تہلکہ خیز انکشافات کیے ہیں، جنہوں نے سوشل میڈیا پر نئی بحث چھیڑ دی۔
مشّی خان ہمیشہ سماجی اور اخلاقی معاملات پر کھل کر بات کرنے کے لیے جانی جاتی ہیں۔ انہوں نے کہا کہ کراچی میں ایک مخصوص ہیلووین پارٹی منعقد ہوئی، جس میں مبینہ طور پر ہم جنس پرستوں کو انکے ساتھیوں سمیت مدعو کیا گیا تھا۔
انہوں نے کہا کہ مجھے اطلاع ملی کہ یہ پارٹی کھلی فحاشی کے زمرے میں آتی ہے، مگر حکام کی جانب سے کسی قسم کی کارروائی نہیں کی جا رہی۔
مشّی خان نے اپنے ویڈیو بیان میں کہا، ’لوگ کہیں گے کہ میں ہر وقت نصیحت کرتی ہوں، مگر میں سچ بولنے سے باز نہیں آؤں گی، یہ ہمارے معاشرے کے لیے لمحہ فکریہ ہے کہ ایسی پارٹیاں کھلے عام منعقد کی جا رہی ہیں اور کوئی ان پر پابندی نہیں لگاتا۔‘
سوشل میڈیا پر ان کے بیان پر مخلوط ردعمل سامنے آیا ہے جہاں ایک صارف نے لکھا، ’حکام آخر کب حرکت میں آئیں گے؟‘، دوسرے نے کہا، ’استغفراللّٰہ، ایسی چیز کبھی نہیں منائی‘، جبکہ کئی صارفین نے مشّی خان کی بات کی تائید کرتے ہوئے کہا، ’آپ بالکل درست کہہ رہی ہیں۔‘
مشّی خان کا یہ بیان ملک میں ہیلووین کلچر اور مغربی روایات کے اثرات پر نئی بحث کا باعث بن گیا ہے۔
