فرمان الہی
نماز کے اوقات
اداکارہ حرا مانی کی نئی بولڈ تصاویر نے جہاں کچھ مداحوں کی توجہ حاصل کی، وہیں سوشل میڈیا پر ایک نئی بحث بھی چھیڑ دی۔
حرا مانی حالیہ دنوں میں سوشل میڈیا پر بہت زیادہ فعال ہیں اور روزانہ کی بنیاد پر نئی تصاویر اور ویڈیوز شیئر کر رہی ہیں، مگر اس بار ان کی بولڈ اسٹائلنگ مداحوں کو پسند نہیں آئی اور وہ شدید ردِعمل کا نشانہ بن گئیں۔
انسٹاگرام پر شیئر کی گئی تازہ تصاویر پر صارفین کی جانب سے شدید تنقید سامنے آ رہی ہے۔
حرا مانی نے چند روز قبل اپنی دلکش اور اسمارٹ تصاویر شیئر کیں جس کے ساتھ انہوں نے کیپشن میں لکھا کہ آپ اپنا فیشن خود ہیں، آپ کا اسٹائل آپ سے ہی شروع ہوتا ہے۔
تاہم ان کے اس انداز کو بہت سے صارفین نے غیر مناسب اور ضرورت سے زیادہ بولڈ قرار دیا۔
تصاویر پوسٹ ہوتے ہی کمنٹ سیکشن میں ملا جلا ردِعمل سامنے آیا، مگر تنقید کا پہلو نمایاں رہا۔
صارفین نے کہا کہ یہ حد سے زیادہ بولڈ ہے، ایسا مواد فیملی آڈینس کے لیے مناسب نہیں، اداکاراؤں کو فیشن کے نام پر ایسے پوزز سے گریز کرنا چاہیے، آپ ایک باوقار اداکارہ ہیں، یہ اسٹائل زیب نہیں دیتا۔
کچھ صارفین نے ان پر مغربی فیشن اور ٹرینڈز کی اندھا دھند پیروی کا الزام بھی لگایا۔
