فرمان الہی
نماز کے اوقات
اسلام آباد (رپورٹ: حنیف خالد)سعودی عرب کے اقتصادی مرکز جدہ میں دنیا کی نئی بلند ترین اور تاریخ ساز عمارت ’’جے ای سی ٹاور‘‘ کی تعمیر تیزی سے آگے بڑھ رہی ہے، جو اب دوبارہ دنیا کی تعمیراتی صنعت کا سب سے بڑا معجزہ قرار دیا جا رہا ہے۔ اس عظیم الشان منصوبے کو پہلے ’’کنگڈم ٹاور‘‘ اور ’’جدہ ٹاور‘‘ کے نام سے جانا جاتا تھا اور یہ سعودی پرنس الولید بن طلال السعود کی نگرانی میں جدہ اکنامک کمپنی کے تحت تعمیر ہو رہا ہے۔ معروف آرکیٹیکچر کمپنی AS GG کے مطابق اس ٹاور کی حتمی بلندی تاحال خفیہ ہے لیکن اس بات کی تصدیق کر دی گئی ہے کہ یہ ایک کلومیٹر سے زیادہ بلند ہوگا، جس کے بعد یہ دبئی کے برج خلیفہ کو بھی پیچھے چھوڑ کر دنیا کی سب سے اونچی عمارت بن جائے گا۔
