• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہری علاقوں سے ناانصافی کا واحد حل نئے صوبے کا قیام ہے، آفاق احمد

آج کا اخبار
اہم خبریں
01 دسمبر ، 2025
کراچی (اسٹاف رپورٹر) مہاجر قومی موومنٹ (پاکستان) کے چیئرمین آفاق احمدنے کہا ہے کہ ہم نے وفاداری کا حق ادا کیا، بدلے میں محرومی اور سزا ملی،سندھ کے شہری علاقوں نے دہائیوں سے جس محرومی، تعصب، وسائل کی لوٹ مار اور مسلسل انتظامی ناکامی کا سامنا کیا ہے، اس کا واحد، پائیدار اور منصفانہ حل سندھ کے شہری علاقوں پر مشتمل نئے صوبے کا قیام ہے، نیا صوبہ کسی سے دشمنی نہیں صرف انصاف اور اختیار کی واپسی ہے۔ اپنی رہائش گاہ پر ضلع وسطی سے آنے والے مہاجر عمائدین کے وفد سے گفتگو کرتے ہوئے آفاق احمد نے کہا کہ جو لوگ اس مطالبے کو متنازع بنانے کی کوشش کرتے ہیں وہ دراصل اس status quo کے محافظ ہیں جس نے شہری سندھ کو تباہ اور مہاجر قوم کو سیاسی، معاشی اور انتظامی طور پر بے اختیار رکھا۔آفاق احمد نے کہا کہ شہری سندھ، خصوصاً کراچی، حیدرآباد، میرپورخاص اور سکھر نے ہمیشہ ملک کی معیشت، ٹیکس ریونیو، اور قومی ترقی میں سب سے بڑا کردار ادا کیا، مگر اس کے باوجود ان علاقوں کوبنیادی سہولتوں سے محروم رکھا گیا،نوکریوں اور سرکاری اداروں میں کوٹہ سسٹم کے ذریعے پیچھے دھکیل دیا گیا،شہری ادارے جان بوجھ کر کمزور کئے گئے اور کراچی جیسے شہر کو کچرے، سیوریج، ٹوٹی سڑکوں اور بدترین گورننس کے حوالے کر دیا گیا، یہ وہ سلوک ہے جو اپنے شہریوں کے ساتھ نہیں بلکہ فتح کئے ہوئے لوگوں کے ساتھ ہوتا ہے،کراچی سے سالانہ کھربوں روپے کا ریوینیو لیا جاتا ہے مگر شہر کا اپنا بجٹ بھکاریوں جیسا ہے۔
اہم خبریں سے مزید