فرمان الہی
نماز کے اوقات
پاکستانی اداکارہ و ماڈل نعیمہ بٹ نے معروف بھارتی اداکار نوازالدین صدیقی کے ساتھ ایک خصوصی لمحہ شیئر کیا ہے۔
اداکارہ نے نوازالدین کے ساتھ تصویر پوسٹ کی اور کیپشن میں لکھا کہ جب ایک فنکار ایک فن پارے کی تصویر لیتا ہے، دوسری تصویر نوازالدین صدیقی نے کلک کی۔
یہ پوسٹ جلد ہی سوشل میڈیا پر وائرل ہوگئی اور مداحوں نے اس نایاب سرحد پار تعلق کو سراہا اور دونوں فنکاروں کی تعریف کی۔
نعیمہ بٹ نے ہٹ ڈرامہ کبھی میں کبھی تم میں اپنی شاندار اداکاری سے مداحوں کا دل جیتا، جہاں انہوں نے رباب کے کردار میں اپنی جرات مندانہ اداکاری کا مظاہرہ کیا، مداحوں نے خاص طور پر ان کے منفرد فیشن سینس، پراعتماد ڈائیلاگ ڈلیوری اور خاص لہجے کی تعریف کی۔
اگرچہ نعیمہ بٹ نے حالیہ برسوں میں زیادہ میڈیا توجہ نہیں حاصل کی، لیکن وہ سوشل میڈیا پر متحرک رہی، جہاں وہ اکثر اپنی غیر فلٹرڈ تصاویر، بیوٹی روٹینز اور ذاتی خیالات شیئر کرتی رہتی ہیں۔
