فرمان الہی
نماز کے اوقات
بالی ووڈ کے سینئر فلم ساز راکیش روشن نے گذشتہ روز اپنے بھتیجے ایشان روشن کی شادی میں شرکت کی۔ ایشان نے اپنی طویل عرصے کی ساتھی ایشوریا کے ساتھ روشن خاندان کے تمام افراد کی موجودگی میں شادی کی۔
تاہم سوشل میڈیا پر ایک ویڈیو وائرل ہوئی ہے جس میں تقریب کے دوران مبینہ طور پر راکیش روشن کو ایک تکرار میں الجھتے ہوئے دیکھا گیا۔
ویڈیو میں سینئر ہدایت کار کو تقریب کے مقام کے باہر خواجہ سراؤں کے ساتھ شدید بحث کرتے دیکھا گیا۔ خواجہ سرا بھی اس موقع پر ناراض نظر آئے، ان کا کہنا تھا کہ وہ صرف نو بیاہتا جوڑے کو دعائیں دینے آئے ہیں۔
ایک اور ویڈیو میں خواجہ سراؤں کو اس وقت دلہن کو دعائیں دیتے ہوئے دکھایا گیا، جب وہ تقریب کے مقام کی طرف جا رہی تھیں۔ پس منظر میں راکیش روشن اور ان کے بھتیجے ایشان روشن بھی نظر آئے۔
ویڈیو وائرل ہونے کے بعد کمنٹ سیکشن میں مختلف آراء سامنے آئیں۔ ایک صارف نے لکھا کہ 10 لاکھ مانگ لیے ہوں گے کیونکہ یہ کروڑوں کماتے ہیں نا!
ایک صارف نے سوال کیا کہ دعائیں لینے آئے تھے یا لوٹنے؟ آپ اسے راکیش جی کی غلطی کے طور پر کیوں پیش کر رہے ہیں؟
کسی اور نے تبصرہ کیا کہ وہ مبارکباد دینے نہیں آتے بلکہ پیسے بٹورنے آتے ہیں۔ ہر شہر میں ان کا ایک بڑا نیٹ ورک چل رہا ہے۔
ریتک روشن نے بھی اپنے کزن ایشان روشن کی شادی کی تقریب میں خصوصی شرکت کی۔ انہیں بلیو شیروانی اور میچنگ ویسٹ پہنے تقریب میں آتے دیکھا گیا۔ اس موقع پر ان کے ہمراہ ان کے بیٹے ہریہان اور ہریدان بھی موجود تھے۔
ریتک روشن کی سابقہ اہلیہ سوزین خان اور ان کے بوائے فرینڈ ارسلان گونی نے بھی شادی میں شرکت کی۔
