فرمان الہی
نماز کے اوقات
پاکستانی شوبز انڈسٹری سے وابستہ معروف اداکارہ و میزبان ندا یاسر ایک بار پھر خبروں کی زینت بنی ہوئی ہیں۔
انسٹاگرام پر 26 لاکھ سے زائد فالوورز رکھنے والی میزبان اس بار اپنے حد سے زیادہ فیشن اور لباس کی وجہ سے خبروں کی زینت بنی ہوئی ہیں۔
حال ہی میں نئے سال کی تقریب کے لیے ندا یاسر نے سنہری سیکوئن مِڈ ڈریس کے ساتھ سیاہ لیگنگز کا انتخاب کیا، جبکہ اوپر سیاہ رنگ کا مختصر شرگ لیا جسے انہوں نے گرہ لگا کر باندھا ہوا تھا۔
تقریب میں خاندان کے دیگر افراد بھی سیاہ رنگ کے ملبوسات میں نظر آئے۔
سوشل میڈیا صارفین ندا یاسر کے اس انداز کو پرانا اور نامناسب قرار دیتے ہوئے تنقید کر رہے ہیں۔
ایک صارف نے لکھا کہ ’ایسا لگتا ہے جیسے یہ لَندا کے کپڑوں کو پروموٹ کر رہے ہوں‘، ایک اور نے تبصرہ کیا کہ ’پیسہ کلاس نہیں خرید سکتا‘، ایک صارف نے لکھا کہ ’کچھ لوگ پوری زندگی گزار دیتے ہیں مگر باوقار لباس پہننے کا ہنر نہیں سیکھ پاتے، اور ندا ان میں سے ایک ہیں۔‘
