فرمان الہی
نماز کے اوقات
پاکستان میں تعینات امریکی ناظم الامور نیٹلی بیکر نے پاکستانی قوم اور پی ایس ایل کو مبارکباد پیش کی ہے۔
اسلام آباد میں پی ایس ایل کی دو نئی ٹیموں کے مالکان اور چیئرمین پی سی بی محسن نقوی کے ہمراہ پریس کانفرنس کرتے ہوئے امریکی ناظم الامور نے کہا کہ پاکستانی قوم اور پی ایس ایل کو مبارکباد پیش کرتی ہوں، مجھے بطور امریکی نمائندہ خوشی ہو رہی ہے۔
ان کا کہنا ہے کہ پاکستان میں امریکی سرمایہ کاری ہورہی ہے، پاکستان اور امریکا کے درمیان تعلقات مضبوط ہوں گے، دونوں ملکوں میں تجارت کو فروغ ملےگا۔
لاہور قلندرز کے چیف ایگزیکٹو آفیسر (سی ای او) عاطف رانا کا کہنا ہے کہ پی ایس ایل کی کامیابی محسن نقوی اور سلمان نصیر کی وجہ سے ہے، چیئرمین پی سی بی نے اسٹیڈیمز بنائے، گراس روٹ کرکٹ پر کام کیا۔
خیال رہے کہ پاکستان سپرلیگ (پی ایس ایل) کی ساتویں ٹیم ایف کے ایس نے 175 کروڑ اور آٹھویں ٹیم او زی ڈویلپرز نے 185 کروڑ روپے میں خرید لی گئی۔ ٹیموں کے نام بالترتیب حیدرآباد اور سیالکوٹ ہوں گے۔
حیدرآباد اور سیالکوٹ کی فرنچائز کے بعد پاکستان سپر لیگ کے سیزن الیون میں اب آٹھ ٹیمیں ایکشن میں ہوں گی، پی ایس ایل کا آغاز 26 مارچ سے ہوگا۔
پی ایس ایل کی ساتویں اور آٹھویں ٹیم مجموعی طور پر 3 ارب 60 کروڑ روپے میں فروخت ہوئی ہیں۔
