فرمان الہی
نماز کے اوقات
وفاقی وزیر صحت مصطفیٰ کمال نے کراچی کے پہلے ڈیجیٹلائزڈ ہیلتھ کیئر سینٹر کا افتتاح کردیا۔
ڈیجیٹلائزڈ ہیلتھ کیئر سینٹر وفاقی ہیلتھ کیئر ڈیجیٹلائزیشن پروگرام کا حصہ ہے۔ اس حوالے سے تقریب کا انعقاد فیڈرل گورنمنٹ ڈسپنسری سول ایوی ایشن کالونی میں کیا گیا۔
وفاقی وزیر صحت سید مصطفیٰ کمال نے تقریب سے خطاب کرتے ہوئے کہا کہ ڈیجیٹلائزڈ ہیلتھ کیئر سینٹر ہیلتھ کیئر نظام کا حصہ ہے، ہیلتھ کیئر انسانوں کو مریض بننے سے بچانے کا نام ہے۔
انہوں نے کہا کہ یہ عمل بچوں کی پیدائش میں وقفے سے شروع ہوتا ہے، ہیلتھ کیئر پانی کو صاف کرنے اور ویکسینیشن کروانے کا نام ہے۔
مصطفیٰ کمال نے کہا کہ یہ ڈسپنسری وفاق کے تحت کام کرے گی، یہ اتنی بڑی جگہ بغیر استعمال کے پڑی تھی، ایسی 4 جگہیں اور ہیں جو وفاق کے پاس موجود ہیں، ٹیلی میڈیسن کا آغاز شہر کے اس علاقے سے کیا جارہا۔
ان کا کہنا تھا کہ گزشتہ روز اسلام آباد میں بڑا پروجیکٹ سائن کیا ہے، کینسر کے مریضوں کو اسلام آباد میں مفت دوائیں دی جائیں گی، اسلام آباد میں 745 کینسر کے مریضوں کا علاج کیا گیا۔
