فرمان الہی
نماز کے اوقات
افواجِ پاکستان بدلتے جنگی تقاضوں سے ہم آہنگ ’ملٹی ڈومین آپریشنز‘ کے لیے بھرپور تیاری میں مصروف ہے۔
اس حوالے سے مسلح افواج کے شعبہ تعلقات عامہ آئی ایس پی آر نے ایک ویڈیو بھی جاری کی ہے۔
آئی ایس پی آر کے مطابق ملٹی ڈومین آپریشنز میں فضائی، زمینی اور سائبر آپریشنز کو دشمن کے خلاف مربوط انداز میں استعمال کیا جاتا ہے۔ ملٹی ڈومین آپریشنز میں الیکٹرانک وار فیئر کو مشترکہ حکمتِ عملی کے تحت دشمن کے خلاف مربوط انداز میں استعمال کیا جاتا ہے۔
فضائی برتری اور کثیر المقاصد ڈرونز کے ہم آہنگ استعمال سے دشمن کی نقل و حرکت ناممکن بنا دی جاتی ہے۔ دور مار کرنے والے ہتھیاروں کے ہم آہنگ استعمال سے بھی دشمن کی نقل و حرکت ناممکن بنائی جاتی ہے۔
تباہ کن بمباری، سائبر اور انفارمیشن آپریشنز سے دشمن کی فیصلہ سازی کی صلاحیت مفلوج کی جاتی ہے۔
اس حوالے سے بتایا گیا کہ یہ مشترکہ جنگ کا بہترین نمونہ ہے، اس میں فضائی اور زمینی طاقت کے ساتھ دشمن کے دفاع کو تہس نہس کر دیا جاتا ہے۔
افواجِ پاکستان کی مشقیں جدید ٹیکنالوجی، تباہ کن فائر پاور اور انتہائی درست نشانہ بندی کی صلاحیتوں کا مظہر ہیں۔ یہ مشقیں افواجِ پاکستان کی پیشہ ورانہ مہارت کو نمایاں کرتی ہیں، جو ملٹی ڈومین آپریشنز کی پہچان ہے۔
