فرمان الہی
نماز کے اوقات
ترجمان سندھ حکومت سمعتا افضال سید نے حافظ نعیم الرحمٰن کے بیان کو غیر ذمہ دارانہ قرار دے دیا۔ انہوں نے کہا کہ عوام کے دکھ کو سیاسی ایجنڈے کے لیے استعمال کرنے کی اجازت نہیں دی جائے گی۔
سمعتا افضل کا کہنا تھا کہ وزیر اعلیٰ سندھ خود صورتحال کی نگرانی کر رہے تھے، تاخیر کے الزامات بے بنیاد ہیں، شہر کے تحفظ اور بہتری کے لیے حکومت سنجیدہ اقدامات کر رہی ہے۔
انہوں نے کہا کہ منتخب نمائندوں کو مافیا کہنا سیاسی پوائنٹ اسکورنگ ہے، جماعت اسلامی اپنے بلدیاتی دور کی کارکردگی پر جواب دے۔
یاد رہے کہ امیر جماعت اسلامی حافظ نعیم الرحمٰن نے گل پلازا کے دورے پر کہا تھا کہ قبضہ میئر 23 گھنٹے بعد گل پلازا پہنچے۔
حافظ نعیم کا کہنا تھا کہ سندھ حکومت پریزنٹیشن دے کر لوگوں کو دھوکا نہیں دے سکتی، فائر فائٹرز کے پاس سہولتیں موجود نہیں۔
