فرمان الہی
نماز کے اوقات
ڈیرہ اسماعیل خان میں قریشی موڑ کے قریب امن کمیٹی کے سربراہ نور عالم محسود کے گھر خودکش دھماکے میں 6 افراد جاں بحق اور متعدد زخمی ہوگئے۔
جاں بحق ہونے والوں میں امن کمیٹی کے رکن وحید اللّٰہ محسود بھی شامل ہیں جبکہ نور عالم محسود دھماکے میں زخمی ہوئے ہیں۔
ڈسٹرکٹ پولیس آفیسر (ڈی پی او) نے خودکش دھماکے کی تصدیق کی اور بتایا کہ دھماکے بعد فائرنگ بھی ہوئی۔
پولیس حکام کے مطابق دھماکا امن کمیٹی کے سربراہ نور عالم محسود کے گھر پر شادی کی تقریب کے دوران ہوا۔
پولیس کا کہنا ہے کہ دھماکے کے زخمیوں کو ڈی ایچ کیو ٹراما سینٹر منتقل کیا گیا ہے۔
وزیراعلیٰ خیبر پختونخوا نے رپورٹ طلب کرلی
وزیراعلیٰ خیبر پختونخوا سہیل آفریدی نے ڈی آئی خان دھماکے کی مذمت کی اور آئی جی پولیس سے واقعے کی رپورٹ طلب کی ہے۔
وزیراعلیٰ نے ہدایت کی کہ زخمیوں کو بہترین طبی سہولیات فراہم کی جائیں اور انتہائی افسوسناک واقعے کے ذمے داروں کو کیفر کردار تک پہنچایا جائے۔
انہوں نے مزید کہا کہ صوبائی حکومت شہداء کے لواحقین کے غم میں برابر کی شریک ہے۔
