فرمان الہی
نماز کے اوقات
پنجاب کی وزیرِ اطلاعات عظمیٰ بخاری کی فیک ویڈیو وائرل کرنے کے مقدمے کی سماعت ضلع کچہری لاہور میں ہوئی۔
مقدمے کی سماعت جوڈیشل مجسٹریٹ نعیم وٹو نے کی۔
عظمیٰ بخاری نے اپنے وکیل علی بخاری کی وساطت سے بذریعہ ویڈیو لنک بیان ریکارڈ کروانے کی درخواست دائر کی تھی۔
درخواست میں مؤقف اختیار کیا گیا تھا کہ سیکیورٹی مسائل کی وجہ سے صوبائی وزیر عدالت میں پیش نہیں ہو سکتیں۔
جوڈیشل مجسٹریٹ نعیم وٹو نے دورانِ سماعت صوبائی وزیر عظمیٰ بخاری کی بذریعہ ویڈیو لنک بیان ریکارڈ کروانے کی درخواست خارج کرتے ہوئے محفوظ فیصلہ سنا دیا۔
عدالت نے مقدمے کی آئندہ سماعت پر گواہوں کو طلب کرتے ہوئے مزید سماعت 17 فروری تک ملتوی کر دی۔
