فرمان الہی
نماز کے اوقات
پاکستان نے آئی سی سی ٹی20 ورلڈ کپ 2028ء کے لیے براہ راست کوالیفائی کرلیا ہے۔
انٹرنیشنل کرکٹ کونسل (آئی سی سی) اعلامیے کے مطابق 2026ء کے میگا ایونٹ کے سپر ایٹ مرحلے میں پہنچنے والی 8 ٹیموں نے اگلے ٹی20 ورلڈ کپ کےلیے کوالیفائی کیا ہے۔
2028ء کا ورلڈ کپ آسٹریلیا اور نیوزی لینڈ کی مشترکہ میزبانی میں ہوگا، اس بار پہلے ہی مرحلے میں باہر ہونے والی ٹیم آسٹریلیا نے میزبان ہونے کے ناطے کوالیفائی کیا ہے۔
آئی سی سی اعلامیے کے مطابق پاکستان، بھارت، انگلینڈ، نیوزی لینڈ، سری لنکا، زمبابوے، جنوبی افریقا اور ویسٹ انڈیز کی ٹیموں نے براہ راست کوالیفائی کیا ہے۔
اعلامیے کے مطابق 9 مارچ تک آئی سی سی ٹی20 رینکنگ کی اگلی 3 بہترین ٹیمیں ورلڈ کپ کے لیےبراہ راست کوالیفائی کریں گی، ان میں بنگلادیش، افغانستان اور آئرلینڈ شامل ہیں۔
آئی سی سی اعلامیے کے مطابق 2028ء کے ٹی20 ورلڈ کپ میں بھی 20 ٹیمیں شریک ہوں گی جبکہ باقی 8 ٹیموں کا فیصلہ ریجنل کوالیفائرز کی بنیاد پر ہوگا۔
