فرمان الہی
نماز کے اوقات
ترکی میں ایک فٹبال میچ کے دوران زخمی ہونے والی سیگل کو کھلاڑی نے بچا لیا۔
واقعہ استنبول فرسٹ ایمیچر لیگ پلے آف فائنل کے پہلے ہاف میں پیش آیا، جس میں میولاناکاپی گوزلحصار اور استنبول یردم سپور کی ٹیمیں مدِ مقابل تھیں۔
استنبول یردم سپور کے گول کیپر محمدت اویانک نے گیند کو صاف کیا تو وہ ایک سیگل سے ٹکرا گئی اور وہ زمین پر آ گری۔
ٹیم کے کپتان گانی کاٹان فوراً موقع پر پہنچے اور پرندے کو بے ہوش دیکھ کر سی پی آر (کارڈیوپلمونری ریسسٹیٹیشن) اور سینے پر دباؤ کے ذریعے اسے زندہ کرنے کی کوشش کی۔
سیگل حرکت کرنے لگی، جس کے بعد گانی کاٹان نے اسے اٹھا کر میڈیکل اسٹاف کے حوالے کیا۔
کلب نے انسٹاگرام پر کہا کہ ہمارے کپتان گانی کاٹان نے فیلڈ پر سی پی آر کر کے سیگل کو دوبارہ زندگی دی۔
اگرچہ استنبول یردم سپور میچ ہار گئی، گانی کاٹان نے کہا کہ کسی بات کا افسوس نہیں، چیمپئن شپ تو چھوٹ گئی، لیکن کسی کی جان بچانا زیادہ اہم ہے، یہ چیمپئن شپ سے بھی زیادہ قیمتی لمحہ تھا۔
