فرمان الہی
نماز کے اوقات
بالی ووڈ سپر اسٹار سیف علی خان نے اپنے بیٹے ابراہیم علی خان کو پیغام دیا ہے کہ وہ فلم انڈسٹری میں اپنی جگہ خود بنائیں۔
بالی ووڈ اداکار سیف علی خان نے حال ہی میں ایک پوڈکاسٹ میں اپنے بیٹے ابراہیم علی خان کے فلمی سفر پر بات کی۔
ابراہیم نے کرن جوہر کی فلم نادانیاں سے ڈیبیو کیا تھا، مگر فلم اور ان کی اداکاری کو زیادہ پذیرائی نہیں ملی۔ ان کی دوسری فلم سرزمین بھی باکس آفس پر ناکام رہی۔
ایک انٹرویو کے دوران سیف نے کہا کہ اداکاروں کو والدین کی وجہ سے مواقع ملنا ’غیر منصفانہ‘ ہے۔
انہوں نے وضاحت کی کہ جب کسی کو بار بار موقع ملے اور وہ اچھا کام نہ کر سکے تو عوام کو یہ ناانصافی محسوس ہوتی ہے۔
سیف علی خان کا کہنا تھا کہ ’میں اپنے بچوں کی مدد ضرور کروں گا، لیکن ایک حد تک۔‘
انہوں نے کہا کہ ’ابراہیم کو کہتا ہوں کہ میں ہر وقت تمہارے ساتھ کھڑا نہیں رہ سکتا کیونکہ تمہیں پہلے ہی بہت کچھ مل چکا ہے۔ اب تمہیں اپنی جگہ خود بنانی ہوگی۔‘
