فرمان الہی
نماز کے اوقات
بھارتی کرکٹ ٹیم کے کھلاڑی روہت شرما کے ون ڈے کے مستقبل پر سوالات اٹھ گئے ہیں۔
انگلینڈ کے خلاف دوسرے ون ڈے میں روہت شرما کی جانب سے صرف 26 رنز بنانے کے بعد بھارتی میڈیا پر دعویٰ کیا جا رہا ہے کہ 19 جولائی کو کھیلا جانے والا تیسرا اور آخری ون ڈے روہت شرما کے کریئر کا آخری میچ ثابت ہو سکتا ہے۔
بھارتی میڈیا کے مطابق بھارتی کرکٹ بورڈ کی سلیکشن کمیٹی مستقبل کی منصوبہ بندی کرتے ہوئے نوجوان بلے باز یشسوی جیسوال کو زیادہ مواقع دینا چاہتی ہے۔
بھارتی سلیکٹرز نے روہت شرما کو آگاہ کر دیا ہے کہ انگلینڈ کے دورے کے بعد وہ مستقبل کے منصوبوں کا حصہ نہیں ہیں اور اب ٹیم نئی قیادت اور نوجوان کھلاڑیوں کی جانب بڑھنا چاہتی ہے۔
رپورٹس کے مطابق ہیڈ کوچ گوتم گمبھیر کو بھی سلیکٹرز کے اس مؤقف سے آگاہ کر دیا گیا ہے۔
بھارتی میڈیا کا کہنا ہے کہ روہت شرما ٹیم میں برقرار رہنا چاہتے تھے تاہم حتمی فیصلہ اب ان کے اپنے ہاتھ میں ہے۔
بھارتی میڈیا پر شیئر کیے گئے اعداد و شمار کے مطابق روہت شرما نے اپنے گزشتہ 8 ون ڈے میچز میں 241 رنز بنائے ہیں جن میں صرف 1 نصف سنچری شامل ہے۔
دوسری جانب یشسوی جیسوال شاندار فارم میں ہیں اور حالیہ 3 اننگز میں 2 سنچریاں اسکور کر چکے ہیں۔
رپورٹس میں یہ بھی کہا جا رہا ہے کہ سلیکشن کمیٹی اور روہت شرما کے درمیان ٹیسٹ کرکٹ سے ریٹائرمنٹ کے معاملے پر بھی مکمل اتفاقِ رائے نہیں تھا تاہم بورڈ کی توجہ اب آئندہ عالمی کپ کے لیے نئی ٹیم تیار کرنے پر مرکوز ہے۔
