ڈیرہ غازیخان،بہاولپور(نمائندہ جنگ،سٹی رپورٹر) تعلیمی بورڈ ڈیرہ غازیخان کے زیر اہتمام انٹر میڈیٹ سالانہ امتحان 2016کے امتحان میں ہیومنٹیز اینڈ کامرس گروپ میں 903نمبر حاصل کر کے تیسری پوزیشن حاصل کرنیوالا طالب علم محمد عامر شہزادنابینا ہے اس نے بتایا کہ خان گڑھ میں لیکچرز موبائل پر ریکارڈ کر کے گھر جا کر تیاری کرتا ہوں جبکہ بہاولپور تعلیمی بورڈ بہاولپور میں آرٹس گروپ بوائز میں دوسری پوزیشن حاصل کرنے والا طالب علم نعمان مسعود اسعدی ٹول پلازہ پر پرچیاں دیا کرتا تھا۔ گزشتہ روز امتحان کا نتیجہ سننے کے لئے لاہور ٹول پلازہ سے بہاولپور بورڈ پہنچا۔ صوبائی وزیر ملک محمداقبال چنڑ نے طالبعلم کو نمایاں پوزیشن حاصل کرنے پر مبارکباد دی اور یقین دہانی کرائی کہ وہ وزیراعلیٰ پنجاب سے خصوصی درخواست کریں گے کہ ہونہار طالبعلم کے تمام تعلیمی اخراجات برداشت کئے جائیں۔
فرمان الہی
نماز کے اوقات
