کوئٹہ(پ ر)جمعیت نظریاتی کے مرکزی سیکرٹری اطلاعات حاجی عبدالستار شاہ چشتی نے اپنے بیان میں کہاہے کہ وفاقی وزیرمنصوبہ بندی سی پیک کے حوالے سے اپنے وعدئوں کو نبھائیں2016ء اختتام کو پہنچنے والا ہے لیکن اقتصادی زونزکا آج تک مقام معلوم نہیں ہوا انہوں نے کہاکہ ایک انٹرویو میںکہاتھا کہ سی پیک کے مغربی روٹ پر 2016ء کے آخر تک 3اقتصادی زونز کی تعمیر مکمل ہو جائیگی لیکن اقتصادی زونز کی تعمیر درکنار آج تک زونز کیلئے جگہ کا تعین نہیں کیاگیا انہوں نے کہاکہ آج تک ایک بھی دعدے کو پورا نہیں کیا پاک چین اقتصادی راہداری منصوبے میں ٹیکنیکل کام کرنے والے لیبر کیلئے جو چائنا پرائمری ٹیکنیکل ٹریننگ سکول قائم کیاگیا ہے اس کے ذریعے پانچ ہزارافراد کو چائنا بجھوا کر ٹیکنیکل ٹریننگ دی جاتی ہے لیکن اس کوٹے میں بھی بلوچستان کے کوٹے پر عملدرآمد نہیں ہوا انہوں نے کہاکہ ہم صوبائی حکومت خصوصاً گورنر اور وزیراعلیٰ سے مطالبہ کرتے ہیں کہ وہ سی پیک کے حوالے سے وفاق کی پالیسیوں اور بیانات کا سنجیدگی سے نوٹس لیں اور یہ معاملہ وفاق کے سامنے اٹھایا جائے اسی طرح چائنا میں ٹیکنیکل ٹریننگ کیلئے بلوچستان کے بے روزگار نوجوانوں کو بجھو ا یا جائے ۔
فرمان الہی
نماز کے اوقات
