سب سے بڑی جمہوری حکومت کہنے کا دعوے دار ملک بھارت میں توہم پرستی کی ایک اور تازہ مثال سامنے آگئی ہے۔
بھارتی ریاست آسام میں گزشتہ روز خشک سالی سے تنگ کسانوں نے مون سون بارش کیلئے دعا کا انوکھا طریقہ اپنایا اوربارش کے دیوتا کو خوش کرنے کے لئے مختلف رسومات کے ساتھ مینڈکوں کی شادی کروا دی۔
شادی کی تقریب بہت دھو م دھام سے منائی گئی،جس میں جہاں کسانوں کی بڑی تعداد نے حصہ لیا وہیں عورتیں اور بچے بھی بڑی تعداد میں شریک ہوئے اور خوب بھنگڑے ڈالے۔
اس موقع پر جہاں مینڈک دلہے کو خوب سجایا گیا وہیں مینڈک دلہن کو بھی سندور لگا کر سہاگن کا درجہ دیا گیا۔
واضح رہے بھارت میں ان دنوں مون سون شروع نہ ہونے کی وجہ سے کسان فصل کی کاشت کے حوالے سے کافی پریشان ہیں۔
فرمان الہی
نماز کے اوقات
