آج جسٹس بابر ستار نے بہت اچھا کام کیا ہے، اعتزاز احسن

29 اپریل ، 2024

آڈیو لیکس کیس میں عدالتی معاون اعتزاز احسن نے کہا ہے کہ آج جسٹس بابر ستار نے بہت اچھا کام کیا ہے، نہ صرف اچھا کام کیا بلکہ جرمانہ لگا کر درخواستیں خارج کیں۔

اسلام آباد ہائی کورٹ کے باہر میڈیا سے گفتگو کرتے ہوئے اعتزاز احسن نے کہا ہے کہ جسٹس بابر ستار نے جرمانے کے ساتھ انہیں توہین عدالت کا بھی عندیہ دیا ہے۔

انہوں نے کہا کہ مختلف محکموں نے جسٹس بابر ستار پر اعتراض اٹھایا، جج کے خلاف ایسی درخواست پر بہت حیرت ہوئی ہے۔

اعتزاز احسن کا کہنا ہے کہ ہمارے اکثر جج اس معاملے میں بہت حساس ہوتے ہیں کہ میں یہ کیس نہیں سنتا، بابر ستار نے ان سے پوچھا کہ آپ بتائیں میں یہ کیس نہ سنوں۔