قومی اسمبلی میں قائد حزب اختلاف سید خورشید شاہ کا کہنا ہے کہ عمران خان نے ہی اپوزیشن کو توڑا اور نواز شریف کو فائد ہ پہنچایا۔
سید خورشید شاہ لاہور میں پیپلزپارٹی کے سینئر رہنما جہانگیر بدر مرحوم کے گھر گئےاوراہل خانہ سے تعزیت کی،اس موقع پر میڈیا سے گفتگو میں انہوں نے عمران خان پر نوازشریف کومضبوط بنانے کا الزام لگایا ،تونثار عمران دوستی کا بھی ذکر کیا۔
ان کاکہنا تھا کہ فیصلہ ہوگیا تھا کہ پاناما بل منظور نہ ہوا تو ساری جماعتیں مل کر تحریک چلائیں گی، لیکن اگلے ہی دن عمران خان نے فیصلہ دے دیا کہ وہ لاک ڈاؤن کریں گے۔
انہوں نے کہا کہ ہم ڈکٹیٹروں کا مقابلہ کرتے رہے، یہ لوگ جمہوری حکومت سے ڈر گئے،خورشید شاہ نے دہشت گردی کیخلاف جنگ پر آرمی چیف کو خراج تحسین پیش کیا ۔
اپوزیشن لیڈر کا قطری شہزادے کےخط کے حوالے سے کہنا تھا کہ میڈیا کو پیپلزپارٹی میں کرپشن نظر آتی ہے، ن لیگ والے تو دودھ کے دھلے ہیں۔
فرمان الہی
نماز کے اوقات
