لاہور ( سپیشل رپورٹر‘مانیٹرنگ سیل ) اپوزیشن لیڈر سید خورشید شاہ نے کہا ہے کہ بلاول بھٹو پیپلز پارٹی پارلیمنٹرین کے ٹکٹ سے ضمنی الیکشن میں حصہ لیں گے اور جیت کر قومی اسمبلی میں اپوزیشن کی قیادت کریں گے جیسے بے نظیر بھٹو 1997میں اپوزیشن لیڈر تھیں۔ بلاول بھٹو میرا لیڈر ہے مجھے فخر ہو گا کہ وہ میری جگہ اپوزیشن لیڈر بنیں گے ۔ بلاول ہائوس میں جنگ سے گفتگو کر تے ہوئے انھوں نے کہا کہ بلاول کب اور کس حلقے سے ضمنی الیکشن لڑیں گے ابھی فائنل نہیں ہوا ۔ ان سے پوچھا گیا کہ پاکستان پیپلز پارٹی پارلیمنٹرین ( پی فور) کے ٹکٹ سے الیکشن لڑنے کے بعد وہ پاکستان پیپلز پارٹی ( پی تھری) کے چیئرمین رہیں گے تو انھوں نے کہا یہ قانونی نقطہ ہے لیکن بلاول بھٹو قانونی حیثیت سے الیکشن لڑیں گے ۔ انھوں نے کہا کہ حکومت نے پیپلزپارٹی کے چار مطالبات پر ابھی تک رابطہ نہیں کیا لیکن ہم عمران خان نہیں بلکہ کارکنوں کے ساتھ بیٹھ کر مار کھائیں گے ۔ انھوں نے بتایا کہ اسلام آباد میں احتجاج کے بعد سے تحریک انصاف سے رابطہ نہیں لیکن شاہ محمود قریشی نے انھیں دھرنے کے دوران بتایا کہ اسلام آباد میں جو کچھ ہو رہا ہے عمران خان نے کیا اور غلط ہو رہا ہے ۔ انھوں نے کہا کہ قطری شہزادے شکا ر کر تے ہیں اور اسی لئے پاکستان آئے ہیں۔
فرمان الہی
نماز کے اوقات
