ملتان( سٹاف رپورٹر) سپیکر قومی اسمبلی سردار ایاز صادق نے کہا ہے کہ عمران خان غیر جمہوری اور غیر سیاسی طرز عمل پر چل رہے ہیں۔ دوسروں پر بلا جوازالزام لگانے کی بجائے اپنے اور اپنے ارد گرد ٹھہرے لوگوں پر بھی عمران خان نظر دوڑا لیا کریں ۔ میاں نواز شریف کے خلاف کوئی بھی سازش کامیاب نہیں ہوگی۔سی پیک سے ملک بھر سمیت جنوبی پنجاب کو بھی بھر پور استفادہ ہو گا۔ ان خیالات کا اظہار انہوں نے ملتان کے سابق ایم این اے شیخ طارق رشید سے اسلام آبا د میں ملاقات کے دوران کیا ، انہوں نے کہا کہ پاناما ہو یا کوئی اور ایشو عمران خان صرف الزامات ہی لگا سکتے ہیں۔ عمران خان سمیت پوری پی ٹی آئی عدالت یا کہیں بھی ثبوت نہیں دے سکیں گے۔ ملک بھر سمیت جنوبی پنجاب کی تعمیر وترقی بھی مسلم لیگ ن کی اولین ترجیح ہے۔
فرمان الہی
نماز کے اوقات
