سماجی تنظیم فکس اٹ کے رہنما عالمگیر خان کا کہنا ہے کہ میئر کراچی وسیم اختر وزیراعلیٰ ہاؤس جائیں اور اپنے اختیارات چھینیں، ہم ان کی مدد کریں گے۔
عالمگیر خان نےکراچی میں نیوز کانفرنس کے دوران کہا کہ میئر نے سو روزہ صفائی مہم چلائی، ناکام ہوئے تو اختیارات کا رونا شروع کردیا۔
انہوں نے کہا کہ اختیارات تو ایدھی کے پاس بھی نہیں تھے،مگر وہ خود کھڑے ہوئے، اختیارات لینا ہیں تو وزیراعلیٰ ہاؤس جائیں، دھرنا دیں اوراپنا اختیار چھینیں، ہم مدد کریں گے۔