رسالپور میں مردم شماری کی ٹیم پر فائرنگ

نوشہرہ میں مردم شماری ٹیم پر نوجوان نے فائرنگ کر دی، ٹیم کے تینوں افراد محفوظ رہے، پولیس نے باپ بیٹے کو گرفتار کرلیا، جبکہ ایک بیٹا فرار ہونے میں کامیاب ہوگیا۔

پولیس کے مطابق رسالپور کے علاقے میں مردم شماری کی ٹیم نے گھر کے افراد سے شناختی کوائف کی تفصیلات پوچھی تو نوجوان نے فائرنگ کر دی۔

خوش قسمتی سے مردم شماری کا عملہ محفوظ رہا، فائرنگ کے الزام میں باپ بیٹے کو گرفتار کرلیا گیا جبکہ ایک ملزم فرار ہوگیا، ملزم کا کہنا ہے کہ اس کا بیٹا نشہ کرتا ہے اور نشے کی حالت میں اس نے فائرنگ کی۔