کرپشن کے خلاف بھی آپریشن ہونا چاہیے، سراج الحق

امیرجماعت اسلامی سراج الحق کا کہنا ہے کہ آپریشن ردالفساد کے ساتھ کرپشن کے خلاف بھی آپریشن ہونا چاہیے۔

رحیم یارخان میں جلسے سے خطاب کرتے ہوئے امیر جماعت اسلامی نے کہا کہ وہ جب جنوبی پنجاب آتے ہیں، غربت میں اضافہ ہی دیکھتے ہیں۔ آج نوجوانوں کے پاس ڈگریاں ہیں لیکن وہ بے روز گار ہیں۔

سراج الحق نے کہا کہ حکمران پاناما کیس میں ملوث ہونے کے باوجود خود کو بانی پاکستان کا وارث کہتے ہیں۔

انہو ں نے مزید کہا کہ بھارت کل بھوشن جیسے لوگوں کو پاکستان بھیجتا اور دوسری طرف وزیراعلیٰ پنجاب اضافی بجلی بھارت کو دینے کی بات کرتے ہیں۔