گوجرانوالہ میں زمین کے تنازع پرجھگڑے کے دوران فائرنگ کے نتیجے میں تین افراد جاں بحق ہو گئے ہیں،اب تک کوئی گرفتاری عمل میں نہیں آئی ہے ۔
گوجرانوالا میں تتلے عالی کے علاقہ تنگ کلاں کے رہائشی بوٹا نامی شخص کا اپنے بھانجوں صابر اور بہادر کے ساتھ زمین کا تنازع چلا آرہا تھا۔
زمین کی تقسیم کا فیصلہ کرنے کے لیے دونوں فریقین کے درمیان بات چیت جاری تھی کہ تلخ کلامی کےبعد جھگڑا ہو گیا ، اس دوران فائرنگ کے نتیجے میں بہادر نامی نوجوان موقع پر ہی جاں بحق جبکہ بوٹا اور صابر شدید زخمی ہو گئے۔
زخمیوں کو ڈسٹرکٹ ہیڈ کوارٹر اسپتال لایا گیا جہاں زخموں کی تاب نہ لاتے ہوئے وہ دم توڑ گئے۔
پولیس کے مطابق واقعہ کی تحقیقات کی جارہی ہیں، ابتدائی تفتیش کے مطابق فائرنگ بوٹا کے بیٹے نے کی تھی ابھی تک کوئی گرفتاری عمل میں نہیں آئی ہے۔
فرمان الہی
نماز کے اوقات
