اینیمیٹیڈ فلموں کے دیوانوں کے لئے خوشخبری ہے کہ کامیڈی اور ایڈونچر سے بھرپور نئی کمپیوٹر اینیمیٹیڈ فلم ’ڈِیپ‘کا انٹرنیشنل ٹریلر جاری کر دیا گیا ہے۔
اسپین، امریکا اور بیلجیئم کے اشتراک سے مکمل ہونیوالی اس فلم کوجولیو سوٹو نے ڈائریکٹ کیا ہے جس کی کہانی ڈِیپ نامی ایک ایسے نٹ کھٹ ننھے آکٹوپس کے گرد گھوم رہی ہے، جو اپنی نسل کا آخری آکٹوپس ہوتا ہے اورایک حادثے میں اپنا گھر تباہ ہو جانے کے بعد نئے دوستوں کے ساتھ بقا کے سفر کا آغاز کرتا ہے۔
نئے گھر کی تلاش میں دوستوں کے ساتھ سفر میں ڈِیپ سمندری دنیا کے بارے میں نت نئے انکشافات کے بعد نہ صرف حیران رہ جاتا ہے بلکہ مختلف دلچسپ واقعات کے بارے میں بھی جان لیتا ہے۔
کامیڈی سے بھرپور اس کمپیوٹر اینیمیٹیڈ فلم کے دلچسپ کرداروں کے ڈائیلاگ اداکارفِل لا مر، جیس ہارنل، ڈیف فینوئے، بوب بیرگن، اینا وسینو، ٹیری ڈوگلس، جیف بینیٹ اور الزبیتھ گرے کی آوازوں میں ریکارڈ کروائے گئے ہیں۔
سمندر کے انوکھے اور دلچسپ سفرپر مبنی یہ فلم جلد ہی سنیما گھروں میں نمائش کیلئے پیش کر دی جائیگی، تاہم ریلیز کی حتمی تاریخ کا تاحال اعلان نہیں کیا گیا ہے۔
فرمان الہی
نماز کے اوقات
