فرمان الہی
نماز کے اوقات
آئی سی سی چیمپئنز ٹرافی لاہور واپس پہنچ گئی۔ ٹرافی اس سے قبل پاکستان میں 16 سے 25 نومبر تک پاکستان آئی تھی۔
ٹرافی 7 فروری کو قذافی اسٹیڈیم کی افتتاحی تقریب اور 11 فروری کو نیشنل اسٹیڈیم کی افتتاحی تقریب نمائش کےلیے رکھی جائے گی۔
ٹرافی 31 جنوری سے 2 فروری تک شیخوپورہ، فیصل آباد، ملتان اور بہاولپور کا دورہ کرے گی۔ ٹرافی 3 فروری کو لاہور واپس آئے گی اور 5 فروری کو سرگودھا کا ٹور کرے گی۔
ٹرافی 6 فروری کو پشاور اور اسلام آباد کا دورہ کرے گی، ٹرافی پاکستان کے دوسرے مرحلے کا دورہ 15 فروری کو ختم کرے گی۔
واضح رہے کہ آئی سی سی چیمپئنز ٹرافی 19 فروری سے 9 مارچ تک ہوگی، پاکستان 19 فروری کو نیوزی لینڈ، 23 فروری کو بھارت اور 27 فروری کو بنگلادیش کے خلاف کھیلے گا۔
ایونٹ کے سیمی فائنلز 4 اور 5 مارچ کو ہوں گے جبکہ فائنل مقابلہ 9 مارچ کو کھیلا جائے گا۔
