کراچی میں جناح اسپتال کے قریب موبائل فون چھیننے کی کوشش میں مزاحمت پر ڈاکوؤں کی فائرنگ سے زیر تربیت ڈاکٹر اور اس کا بھائی یاسین زخمی ہوگئے ۔ایک بھائی کی حالت تشویشناک ہے۔
جناح اسپتال کی جوائنٹ ڈائریکٹر ڈاکٹر سیمی جمالی کے مطابق سندھ میڈیکل یونیورسٹی کا طالب علم عامر امیر شیخ گھر سے بھائی کے ہمراہ یونیورسٹی پہنچا تو مین روڈ پر دو ملزمان نے مبینہ طور پر ان سے موبائل فون چھیننے کی کوشش کی۔
اس دوران ایک بھائی نے مزاحمت کی تو ملزمان نے فائرنگ کردی جس سے دونوں بھائی شدید زخمی ہوگئے۔
دونوں کو جناح اسپتال کی ایمرجنسی پہنچایا گیا جہاں ایک کی حالت تشویشناک ہے۔ ڈاکٹر سیمی جمالی کے مطابق زخمیوں کی جان بچانے کی کوشش کی جارہی ہے۔