راولپنڈی (سٹاف رپورٹر)راولپنڈی کے مختلف علاقوں میں ڈکیتی ،چوری اورنقب زنی کی وارداتوں میں شہری تین گاڑیوں ،دوموٹرسائیکلوں ،طلائی زیورات اورنقدی وغیرہ سے محروم ہوگئے ۔تھانہ صدرواہ کے علاقے واہ ماڈل ٹاؤن سے مدثر حسین کار نمبرایل ای سی-3534،تھانہ گوجرخان کے علاقہ بھائی خان سے محمد اسد کی گاڑی نمبر ایل ای سی -3789،تھانہ مری کے علاقہ سے صداقت کی کار نمبرآئی سی ٹی اے بی بی876،تھانہ وارث خان کے علاقہ موتی پلازہ کی پارکنگ سے سردار ارباب خان کی موٹرسائیکل آرآئی وی80،تھانہ نیوٹاؤن کے علاقہ کمرشل مارکیٹ سے فرحان حیدر کی موٹرسائیکل نمبر اے پی پی225، چوری ہوگئی۔تھانہ ائرپورٹ کو ناصر علی نے بتایا کہ نامعلوم چور میرے گھر کی کھڑکی توڑ کر لیپ ٹاپ،طلائی زیورات،انعامی بانڈز، 20ہزارروپے، اورپسٹل30بور لے گئے۔تھانہ مورگاہ کو محمد عظیم نے بتایا کہ میری دکان کےتالے توڑ کر کپڑے،پرفیوم ودیگر اشیاء چوری کرلی گئیں۔تھانہ واہ کینٹ کو محمد ندیم خان نے بتایا کہ نامعلوم چور میرے گھر کی جالی کاٹ کر طلائی زیورات،انعامی بانڈز مالیتی 2لاکھ روپے،پسٹل 30بور ودیگر کاغذات چوری کر کے لے گئے۔ تھانہ وارث خان پولیس نے عثمان عارف چوہان کی رپورٹ پر ساجد فردوس کے خلاف ایک کروڑ,75لاکھ روپے کاچیک ، تھانہ گوجر خان پولیس نے ضیاالحسن کی رپورٹ پر ندیم اقبال کے خلاف 22لاکھ روپے کا چیک،تھانہ نصیر آبادپولیس نے سعید احمد کی رپورٹ پر ارشدضیاء کے خلاف22لاکھ روپے کاچیک،تھانہ کینٹ پولیس نے محمد خرم شکیل خان کی رپورٹ پر ماجد علی کے خلاف 48لاکھ پچاس ہزارروپے کا چیک ڈس آنرہونے پرمقدمات درج کرلئے ۔ تھانہ صادق آبادکے علاقہ مزمل ٹاؤن میں دوموٹرسائیکلوں پرسوار4مسلح افراداسلحے کی نوک پرسیدفضیلت شاہ سے گن پوائنٹ پر5لاکھ روپے چھین کرفرارہوگئے،تھانہ ائرپورٹ کے علاقہ نیوگلزارقائد سیکٹر4کے قاسم پلازہ میں واقع دکان فیشن اینڈفوڈمیں دوافرادداخل ہوئے جن میں سے ایک کے پاس پسٹل اوردوسرے کے پاس چھری تھی جودکان کے مالک شاہدمحمودسے 10ہزارروپے چھین کرفرارہوگئے۔
فرمان الہی
نماز کے اوقات
