راولپنڈی (سٹاف رپورٹر) راولپنڈی کے مختلف علاقوں میں ڈکیتی ،چوری کی وارداتوں میں شہری 2گاڑیوں ،2موٹرسائیکلوں اورنقدی وغیرہ سے محروم ہوگئے ۔تھانہ نیوٹاؤن کے علاقہ چاندنی چوک سے حافظ معظم حسین کی کار نمبر ایف یو651،کمرشل مارکیٹ سے عماد زیب کی کار نمبری ایل ای اے 5382 ،تھانہ واہ کینٹ کے علاقہ سے راجہ محمدسعد کی موٹرسائیکل نمبرآرآئی ایل -3279،تھانہ گوجرخان کے علاقہ سے محمد اشرف کی موٹر سائیکل اپلائیڈ فارچوری ہوگئی ،تھانہ نیوٹاؤن کے علاقہ میں سبزی منڈی اسلام آبادکے تاجرکوگن پوائنٹ پرلوٹ لیاگیا،ذرائع کے مطابق محمداقبال اپنی گاڑی میں آرہے تھے کہ عون محمدرضوی روڈپرنیشنل مارکیٹ کے قریب عقب سے آنےوالے 2نامعلوم موٹرسائیکل سواروں نے انہیں روک لیا اوراسلحے کی نوک پران سے 15لاکھ روپے ،موبائل فون اورگاڑی کی چابی چھین کرفرارہوگئے ۔تھانہ سٹی پولیس نے شریف خان کی رپورٹ پر عثمان بٹ کے خلاف 8لاکھ 28 ہزارروپے کا چیک،تھانہ صادق آباد پولیس نے محمد اشتیاق عباسی کی رپورٹ پر فیصل ایوب کے خلاف 7 لاکھ روپے کا چیک ، اورتھانہ نیو ٹائون پولیس نے ظفر خان کی رپورٹ پر نافل عباسی کے خلاف ایک لاکھ روپے کا چیک ڈس آنرہونے پرمقدمات درج کر لئے ۔
فرمان الہی
نماز کے اوقات
