جاپانی دارالحکومت ٹوکیو کے علاقائی انتخابات میں وزیر اعظم شینزو آبے کی پارٹی کو تاریخی شکست کا سامنا کرنا پڑا ۔
غیر ملکی میڈیا کے مطابق گزشتہ روز منعقد کیے گئے اس الیکشن میں ٹوکیو کی گورنر اور اپوزیشن رہنما یوکیو کوئکے کی پارٹی کو 79 نشستوں پر کامیابی ملی جبکہ حکمران لبرل ڈیموکریٹک پارٹی صرف 23 نشستیں جیت سکی۔
یوکیو کوئکے نے گزشتہ ماہ ہی لبرل ڈیموکریٹک پارٹی سے علیحدگی اختیار کرتے ہوئے ایک نئی پارٹی بنائی تھی اور اب انہوں نے مقامی اپوزیشن گروپوں کے ساتھ مل کر آبے کو شکست دے دی ہے۔ تجزیہ کاروں کے مطابق دارالحکومت کے انتخابات کے نتائج قومی الیکشن پر بھی اثر انداز ہوں گے۔