نقصان میں چل رہی پاور کمپنیوں کی نجکاری کی تجویز مسترد

وزارت توانائی کی پہلے سے نقصان میں چل رہی پاور کمپنیوں کی نجکاری کی تجویز مسترد کردی گئی۔

ذرائع کے مطابق وزارت نجکاری نے وزارت توانائی کی تجویز مسترد کیے جانے کے بعد 5 منافع بخش پاور کمپنیوں کی نجکاری کا پلان تیار کرلیا۔

سولر پر ٹیکس لگا تو 12 کلو واٹ سے زائد پر لگے گا، ذرائع پاور ڈویژن

پاور ڈویژن نے وضاحت کی ہے کہ سولر پر اگر ٹیکس لگے گا تو 12 کلو واٹ سے زائد کے سسٹم پر لگے گا۔

ذرائع کے مطابق وزارت نجکاری نے جن 5 منافع بخش پاور کمپنیوں کی نجکاری کا پلان تیار کیا ہے، ان میں لیسکو، فیسکو، آئیسکو، میپکو اور گیپکو شامل ہیں۔

ذرائع کے مطابق نجکاری کے پہلے مرحلے میں کمپنیوں کے نئے بورڈ کی تشکیل کا فیصلہ کیا گیا، 12 رکنی بورڈ نے حتمی منظوری کےلیے کابینہ کو سمری بھجوادی۔

وزارتِ نجکاری کے ذرائع کے مطابق یہ 12 ممبران ہی پانچوں بورڈز کے ڈائریکٹر ہوں گے۔

ذرائع کے مطابق نجکاری سمیت تمام معاملات دیکھیں گے، ڈسکوز کی نجکاری سے بجلی مزید مہنگی ہونے کا خدشہ ہے۔