فرمان الہی
نماز کے اوقات
اسلام آباد (نمائندہ جنگ) آل پاکستان مسلم لیگ کے سیکرٹری جنرل ڈاکٹر محمد امجد نے کہا ہے کہ طلال چوہدری پرویز مشرف کے خلاف نازیبا الفاظ استعمال کرتے وقت اپنا ماضی بھول گئے ہیں۔ طلال چوہدری فیصل آباد میں خود پرویز مشرف کی گاڑی کے آگے ناچتے رہے ہیں۔
اب پرویز مشرف کو ناچنے کا طعنہ دینے والے طلال چوہدری نواز شریف کے آگے پتلی بن کر ناچ رہے ہیں۔ اے پی ایم ایل کے سربراہ پرویز مشرف پر ن لیگی رہنما طلال چوہدری کی طرف سے کی گئی بے جا تنقید کا اے پی ایم ایل کے سیکرٹری جنرل کے ردعمل کا اظہار کرتے ہوئے کہا کہ طلال چوہدری کو اپنا محسن بھولنا نہیں چاہئے‘ طلال چوہدری جیسے لوگ ہمیشہ نئی بہاروں کی تلاش میں رہتے ہیں۔
ن لیگ پر خزاں آرہی ہے‘ موسمی پرندے اس کے دفاع میں وقت ضائع کئے بغیر نئی بہاروں کی تلاش میں نکل کھڑے ہوں۔
