پانی کے راکٹ سے دوڑنے والی موٹرسائیکل

20 ستمبر ، 2017

فرانسیسی انجینیئر نے بارش کے پانی اور دباؤ سے بھینچی گئی ہوا کے ذریعے راکٹ موٹرسائیکل بنائی ہے ۔

فرانسیئس گائیسی نے اس آبی راکٹ والی موٹرسائیکل کو ’راکٹ ٹرائک‘ کا نام دیا ہے ۔ جب اس راکٹ بائیک کی آزمائش کی گئی تو آدھے سیکنڈ میں یہ صفر سے 100 کلومیٹر تک پہنچ گئی اور صرف ایک ملی سیکنڈ کے بھی آٹھویں حصے میں موٹرسائیکل نے 60 فٹ کا فاصلہ طے کرلیا۔

اس سے قبل گائیسی ایک راکٹ سائیکل کا تجربہ بھی کرچکے ہیں جسے وہ صرف 4.8 سیکنڈ میں 207 میل فی گھنٹہ تک پہنچاچکے ہیں۔

گائیسی کے مطابق جس طرح سوڈے کی بوتل سے مائع تیزی سے جھاگ اڑاتا خارج ہوتا ہے بالکل اسی طرح یہ راکٹ بھی کام کرتا ہےاور اس کی ٹنکی کو بھرنا سب سے مشکل کام ہے جسے کسی مشین کی بجائے دستی طور پر بھرا گیا ہے اور اس کے لیے بارش کا پانی استعمال کیا گیا ہے۔

تازہ ترین