پاکستانی سماجی کارکن اور نوبل انعام یافتہ ملالہ یوسف زئی اور بھارتی اداکارہ پریانکا چوپڑا کے درمیان ملاقات ہوئی جس پر دونوں نے خوشی کا اظہار کیا۔
بھارتی ذرائع کے مطابق یونیسیف کی سفیر اور بھارتی اداکارہ پریانکا چوپڑا آج کل فلاحی کاموں میں مصروف ہیں اسی سلسلے میں انہوں نے اقوام متحدہ کی جنرل اسمبلی میں ہونے والی تقریب میں بھی شرکت کی جہاں ان کی ملاقات ملالہ یوسف زئی سے ہو ئی۔
Oh @Malala no words will be enough...I can't believe I..met..U!!You're just a young girl with so much heart..and such achievements.so proud. https://t.co/0S4IlkTNJ6
— PRIYANKA (@priyankachopra) September 20, 2017
دونوں نے ایک دوسرے سے ملاقات پر خوشی کا اظہار کیا جس میں پہل ملالہ نے کی جبکہ اس کے جواب میں پریانکا نے بھی خوشی کا اظہار کیا اور کہا کہ میں نے کبھی سوچا بھی نہیں تھا کہ اس طرح میری ملاقات ملالہ سے ہوگی۔
سوشل میڈیا پرملالہ اور پریانکا نے ایک دوسرے کے ساتھ تصویر شیئر کرتے ہوئے دلچسپ ٹوئٹ کا تبادلہ کیا۔
Can't believe I met @priyankachopra! ?? #UNGA2017 pic.twitter.com/xo44LLm0T2
— Malala (@Malala) September 20, 2017
اقوام متحدہ کی جنرل اسمبلی میں ہونے والی اس ملاقات میں دونوں نے خواتین اور بچوں کی تعلیم اور حقوق پر بات کی ۔
اس کے علاوہ پریانکا نے اپنے انسٹاگرام اکائونٹ پرایک دلکش پیغام ملالہ کےلیے لکھا ۔
پریانکا کا کہنا ہے کہ ملالہ ایک مثالی شخصیت ہیں ان تمام لڑکوں اور لڑکیوں کے لیے جو اس دنیا کو مستقبل کے لئے بہتر جگہ بنانا چاہتے ہیں۔
اس کے علاوہ ملالہ نے وزیر اعظم شاہد خاقان عباسی سے بھی ملاقات کی جس میں انہوں نے پاکستان کے دیہی علاقوں خاص طور پر سوات میں تعلیم کو فروغ دینے کی یقین دہانی کرائی ہے۔