• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اذلان شاہ ہاکی: پاکستان نے اپنے پہلے میچ میں ملائیشیا کو 4-5 سے ہرادیا

تازہ ترین
کھیلوں کی خبریں
04 مئی ، 2024
اذلان شاہ ہاکی: پاکستان نے اپنے پہلے میچ میں ملائیشیا کو 4-5 سے ہرادیا

سلطان اذلان شاہ ہاکی ٹورنامنٹ میں پاکستان نے اپنے پہلے میچ میں میزبان ملائیشیا کو 4-5 سے ہرادیا۔ 

ملائیشین شہر اپوہ میں کھیلے جانے والے اس میچ میں پاکستانی ٹیم تین کوارٹرز تک 2-3 کے خسارے میں تھی۔

آخری کوارٹر میں پاکستانی کھلاڑیوں نے شاندار کم بیک کرتے ہوئے عمدہ کھیل پیش کیا اور تین گول اسکور کردیے۔

پاکستان کے ڈریگ فلکر سفیان خان ایونٹ کے پہلے روز ہیٹ ٹرک اسکور کرنے میں کامیاب رہے جبکہ زکریا حیات اور ابوبکر محمود نے ایک، ایک گول اسکور کیا۔

پاکستان ہاکی ٹیم کوریا کے خلاف کل پاکستانی وقت کے مطابق 3:15 بجے دوپہر پول کا اپنا دوسرا میچ کھیلے گی۔

کھیلوں کی خبریں سے مزید