موٹر وے پولیس نے مسافر کو رقم واپس کردی

موٹر وے پولیس نے مسافر کے بس میں رہ جانے والے بیگ سے ملنے والے تین لاکھ روپے اصل مالک کو واپس کر دیے۔

ترجمان موٹروے پولیس کے مطابق بس بہاولپور سے گوجرانوالہ جا رہی تھی۔ ساہیوال میں مسافر منظور احمد واش روم گیا۔ واپس آیا تو بس روانہ ہو چکی تھی۔

موٹروے پو لیس نے اطلاع ملنے پر بس رکوائی، بیگ چیک کیا اور رقم مسافر کے حوالے کر دی۔ ڈی آئی جی مو ٹروے پولیس مرزا فاران بیگ نے پٹرولنگ افسران کی ایمانداری کو سراہا۔