پیپلز پارٹی کے رکن سندھ اسمبلی شرجیل میمن نے کہا ہے کہ وہ شریف فیملی سے متعلق ای سی ایل کے فیصلے کا انتظار کررہے ہیں۔
یہ بات انہوں نےاحتساب عدالت میں پیشی کے بعد میڈیا سےگفتگو کر تے ہوئے کہی اور مزید کہا کہ اب دیکھنا ہے کہ کیا ان کی طرح شریف خاندان کے نام بھی ای سی ایل میں ڈالے جاتے ہيں یا نہیں۔
انہوں نے کہا کہ اگر حسن نواز ، حسین نواز اور ديگر کے نام ای سی ایل میں نہ ڈالے گئے تو وہ اس پر میڈيا میں بات کریں گے ۔
بعد میں شرجیل میمن نے ڈاکٹر عاصم سے ملاقات کی ،جو شرجیل میمن کو گلے لگا نے کے بعدالگ کمرے میں لے گئے ۔