ہنگو: اسکول کی دیوار گرنے سے طالبعلم جاں بحق

ہنگو میں اسکول کی چاردیواری گرنے سے ایک طالب علم جاں بحق 16زخمی ہوگئے، پولیس نے واقعے کا مقدمہ درج کرلیا ہے۔

ہنگو کے ایک نجی اسکول میں کھیلوں کے مقابلے جاری تھے کہ ٹینس میچ کے دوران دیوار گرنے سے ایک طالب علم جاں بحق اور 16 زخمی ہوگئے۔

پولیس کے مطابق دیوار کمزور تھی اور طلباء دیوار پر بیٹھے میچ دیکھ رہے تھے کہ اچانک دیوار گر گئی۔

زخمیوں اور جاں بحق طالبعلم کی لاش کو ہنگو اسپتال منتقل کر دیا گیا ہے۔

پرنسپل کے مطابق دیوار پر زیادہ بچوں کے بیٹھ جانے سے یہ حادثہ پیش آیا۔