معمر شخص نے ہمت اور عزم کی انوکھی مثال قائم کردی

کہتے ہیں جیسے جیسے عمر بڑھتی جاتی ہے انسان کی ہمت بھی وقت کے ساتھ ساتھ کم ہوتی جاتی ہے لیکن ویڈیو میں نظر آنے والے اس معمر شخص کی ہمت کی داد دینی چاہئے جو اس عمر میں بھی اسٹنٹس دکھانے کا شوق رکھتے ہیں۔

چین سے تعلق رکھنے والے ا یڈونچر کے شوقین 69سالہ معمر شخص نے پول سے لٹک کر 360ڈگری زاویے پر مسلسل تیس بار گھومنے کا ایسا شاندار مظاہرہ پیش کیا کہ دیکھنے والے حیران رہ گئے۔

اس معمر شخص کی ہمت اور عزم کا یہ مظاہرہ دیکھ کر جہاں شائقین دنگ رہ گئے وہیں داد دئیے بنا بھی نہ رہ پائے۔

واضح رہے اس سے قبل بھی یہ شخص پول سے لٹک کر کئی شاندار مظاہرہ پیش کر چکا ہے۔