آپ آف لائن ہیں
جنگ ای پیپر
ہفتہ22؍ ذوالحجہ 1440ھ24؍اگست 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
شین وارن کا نعم البدل کوئٹہ کا 6 سالہ کرکٹر ایلی میکال

کوئٹہ میں شین وارن کا نعم البدل چھ سالہ کرکٹر ایلی میکال بیک وقت پانچ مختلف اقسام کی لیگ اسپن بولنگ کی صلاحیت رکھتا ہےایلی میکال کی حیران کن صلاحیت کی کرکٹ لیجنڈز شین وارن، ویرات کوہلی اور وسیم اکرم تعریف کرچکے ہیں ۔

کہتے ہیں کہ ٹیلنٹ کسی کی میراث نہیں،یہ کہیں بھی کسی میں بھی پایاجاسکتاہے،یہ ثابت کیا ہے کوئٹہ سےتعلق رکھنےوالےایک چھ سالہ بچےنے جو حیران کن طور پر بیک وقت پانچ مختلف اقسام کی لیگ اسپن بولنگ کرواسکتاہے۔

شین وارن کا نعم البدل کوئٹہ کا 6 سالہ کرکٹر ایلی میکال

آج کل اس بچے کےسوشل میڈیا پرخوب چرچےبھی ہیں،شین وارن ،وسیم اکرم اور ویرات کوہلی نے بھی اس بچے کے ٹیلنٹ کو خوب سراہاہے۔

ایلی میکال کی عمرچھ سال پانچ ماہ ہےلیکن خداداد صلاحیت ایسی کہ دیکھنےوالے دنگ رہ جائیں،جی ہاں،یہ بچہ اتنی کم عمری میں بلےبازوں کو تگنی کانانچ نچادینے والی لیگ اسپن بولنگ کی پانچ مختلف اقسام لیگ بریک ، گگلی ،فیلپر،اسکریمبل اور شین وارن کی اپنی ایجادکردہ سلائیڈرکرانے کی صلاحیت رکھتاہے۔

شین وارن کا نعم البدل کوئٹہ کا 6 سالہ کرکٹر ایلی میکال

کوئٹہ کےنواحی علاقے سے تعلق رکھنےوالے اس بچے ایلی میکال کو کرکٹ کاشوق تو کم عمری سے ہی ہےلیکن بولنگ کےاس حیرت انگیز فن کی باقاعدہ پریکٹس اس نے چند ماہ پہلے اپنے والدعبداللہ خان کی رہنمائی میں شروع کی،جو خود تو کمپیوٹرانجینئر اور ایک بزنس مین ہیں مگر وہ شوق کےاعتبارسےباقاعدہ کرکٹ کوچ بھی ہیں۔

عبداللہ خان جسےپورا کرنے کےلئے اپنی ہی بنائی ہوئی اکیڈمی میں کھلاڑیوں کےعلاوہ اپنے بچے کو بھی پریکٹس کراتےہیں،بچے میں بولنگ کارجحان دیکھ کرانہوں نے اس پر محنت کی اور اب بچہ اپنے جادوئی بولنگ سے دنیائےکرکٹ کو حیران کرنےکی پوزیشن میں ہے۔


ایلی میکال کی صلاحیت کااعتراف اورتوصیف اسی مخصوص شعبےمیںکمال کی منزل پانےوالےاسٹار کرکٹر شین وارن، وسیم اکرم اور ویرات کوہلی بھی کرچکے ہیں ، بلکہ سماجی رابطے کی ویب سائٹ کے ایک علیحدہ پیغام میں تو شین وان نے میکال کو بولنگ میں مزید بہتری لانے کے لئے ایک مشورہ بھی دیا ہے۔

دوسری جانب ایلی میکال کےوالدکو اپنےبچے کی خداداد صلاحیت کےحامل ٹیلنٹ پرخوشی ہے،مگر ان کا کہنا ہےکہ اسے مستقبل میں آگے بڑھنےکیلئے پیشہ ورانہ کوچنگ کی ضرورت ہوگی ۔عبداللہ خان کا اس حوالے سے مزید کہنا تھا کہ کرکٹ کے حوالے سے کوئٹہ میں کوئی خاص سہولت میسر نہیں ، وہ اپنے بیٹے کی جتنی خود سے کوچنگ کرسکتے تھے کرچکے اب آگے حکومت اور پاکستان کرکٹ بورڈ کا تعاون درکار ہوگا۔

شین وارن کا نعم البدل کوئٹہ کا 6 سالہ کرکٹر ایلی میکال

کرکٹ کا جنون کی حدتک شوق اور بولنگ کی کمال صلاحیت اپنی جگہ مگر تیسری جماعت کےطالب علم ایلی میکال کاتعلیمی رکارڈ بھی شاندار ہے،اس کےوالد کی اس سے یہی کمٹمنٹ ہے کہ وہ تعلیم میں بہتررزلٹ دےگا اور وہ بھی اسے کرکٹ میں آگے بڑھنے کےلئے بھرپورساتھ اور سپورٹ فراہم کریں گے کیونکہ بہرحال تعلیم پر سمجھوتہ نہیں کیا جاسکتا ۔

کھیلوں کی خبریں سے مزید