• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہبازشریف نے پنجاب کے عوام سے سہولتیں چھین لیں، پرویز الٰہی

آج کا اخبار
اہم خبریں
06 اپریل ، 2018
 لاہور(نمائندہ جنگ)) پاکستان مسلم لیگ کے سینئرمرکزی رہنما و سابق نائب وزیراعظم چوہدری پرویزالٰہی نے کہا ہے کہ شہبازشریف نے پنجاب کے عوام کو مصائب و مشکلات اور احساس محرومی کے سوا کچھ نہیں دیا، شہبازشریف نے پنجاب کے عوام سے سہولتیں چھین لیں،عوام پاکستان مسلم لیگ کو ووٹ دے کر نااہل و بددیانت حکمرانوں کو سرپرائز دیں گے،انشاء اللہ آئندہ الیکشن میں پاکستان مسلم لیگ سرپرائز دے گی جس کی عوامی خدمات کے منصوبے آج بھی جاری ہیں اور عوام ان سے بھرپور فائدہ اٹھا رہی ہے۔ وہ ضلع ساہیوال کی معروف سیاسی شخصیت حافظ سردار خالد محمود ڈوگر کی دیگر شخصیات اور ساتھیوں کے ہمراہ پاکستان مسلم لیگ میں شمولیت کے موقع پر گفتگو کر رہے تھے۔ اس موقع پر ملک حق نواز سنگلہ، ذوالفقار پپن، چودھری ذیشان سندھو، چودھری عرفان احسان، شیخ عمر، چودھری موسیٰ، قاضی احسان الحق بھی موجود تھے۔ چودھری پرویزالٰہی نے کہا کہ ن لیگ نے ہمیشہ عوام کو دھوکہ دیا ہے۔
تازہ ترین