اسلام آباد،مانچسٹر(نیوز ایجنسیاں) پاکستان تحریک انصاف کے سیکرٹری اطلاعات فواد چوہدری نےکہا ہے کہ چوہدری سرور نےمسلم لیگ ن کے ووٹ لئے ہیں تو نوازشریف بھی تحقیقات کریں ،ن لیگ بھی پی ٹی آئی کی طرح اپنے ارکان کی نشاندہی کرکے کارروائی کرے ، چوہدری سرور کو ووٹ دینے والے سب کے سامنے ہیں ،صرف چھپانے اوربے ایمانی کے لئے نوازشریف باتیں کررہے ہیں ، یہ جاننے کی ضرورت ہے کہ سراج الحق اس وقت کس کے ایجنڈے پر کام کررہے ہیں ، نوازشریف اورسراج الحق کا لہجہ ایک جیسا لگ رہاہے ۔امیر جماعت اسلامی کسےبدنام کرنا چاہتے ہیں ۔ این این آئی کے مطابق فواد چوہدری نے کہا کہ نوازشریف قانون کے احترام میں نہیں ٗ لندن کی جائیداد بچانے کیلئے عدالت میں پیش ہوئے،سمجھ نہیں آ رہا کہ اسحاق ڈار کے مقدمے میں سزا کا اعلان کیوں نہیں ہورہا۔ یہ تو کھلا کیس ہے،اڈیالہ جیل لندن کے مہمانوں کیلئے تیار ہو رہی ہے۔