فرمان الہی
نماز کے اوقات
وفاقی وزیر داخلہ احسن اقبال نے ارکان پارلیمنٹ سے کہا ہےکہ آئیے ایسے ایجنڈے پر متفق ہوںجس سے ووٹ کو کاغذ کا ٹکرا نہ سمجھا جائے۔
قومی اسمبلی سے خطاب میں احسن اقبال نے کہا کہ اس ایوان میں ارکان پارلیمنٹ نہیں عوام کے نمائندے بیٹھے ہیں، ہم مختلف نظریات رکھتے ہیں۔
ان کا کہنا تھا کہ آج ہم کسی محکمے کا انتظام نہیں چلاسکتے، ہم کوئی اقدام کریں تو صبح ہمیں اسٹے آرڈر دکھا دیا جاتا ہے، ہمارے عدالتی نظام کے اندر بھی ابتری ہے ۔
احسن اقبال نے یہ بھی کہا کہ ہم میں سے ہر کوئی دوسرے پہ نگاہ لگائے بیٹھا ہے، ہر ادارہ اس چکر میں ہے کہ اس کے متعلق ٹکر یا خبر کیا بنے گی ۔
