فرمان الہی
نماز کے اوقات
اسلام آباد (وقائع نگار)سابق صدر پاکستان اور پاکستان پیپلزپارٹی پارلیمنٹیرینز کے صدر آصف علی زرداری نے چیئرمین پیپلزپارٹی بلاول بھٹو زرداری کا تاریخ ساز جلسہ کرنے پر کراچی کے عوام کا شکریہ ادا کیا ہے،انہوں نے کہا کہ شہرقائد سے چلنے والی ہوا کی تازگی پورا ملک محسوس کریگا، کراچی جلسہ میں بھرپور انداز شرکت پرشہریوں کو سلام کرتا ہوں، ایک پیغام میں انہوں نے کہا یہ صرف کراچی شہر کا جلسہ تھا جس میں بھرپور شرکت پر عوام کو سلام کرتا ہوں،آصف علی زرداری نے کہا کراچی سے چلنے والی ہوا کی تازگی پورا ملک محسوس کریگا، کراچی سے خیبر اور خیبر سے کوئٹہ تک جیالے جاگ چکے ہیں اور آئندہ انتخابات میں واضح فتح حاصل کرینگے،انہوں نے کہا کراچی کے پارٹی کارکنوں، جیالوں نے بھرپور طاقت کا مظاہرہ کیا، انہوں نے شاندار جلسہ منعقد کرنے پر پیپلزپارٹی کراچی ڈویژن کے صدر سعید غنی ،کراچی کی تنظیم اور جیالوں کو شاباش دی۔
